Inhalt
So wie uf em Titelbild häd d'Hauptstrass uusgsee bevor di grossi Abbruchaktion im Dorfchern vo Knonau stattgfunde häd. D'Chamestrass und de Haselbach verlaufed hütt vill meh links und vor em Adler zwiigt hüt d'Dorfstrass nach rächts ab.
I de 70-er Jahr isch z'Knonau kein Stei uf em andere blibe und es sind im veränderete Dorfchern und bi de Güeterzämeleggige uf legali Art über 6'000 Marchstei versetzt worde.
Aber es häd au en illegali Marchschteiversetzig gää und daadevoo verzellt d'Titelgschicht.
40 Gschichte us de Vergangeheit vom Dorf Knonau.
